Уул уурхай, хүнд үйлдвэрийн яамны Төрийн нарийн бичгийн даргын 2019 оны А/20 дугаар тушаалаар байгуулагдсан “Эрдэм шинжилгээ, судалгааны ажлуудын гүйцэтгэгчийг сонгон шалгаруулах” тендерийн үнэлгээний хороо зөвлөхийн жагсаалтад орох чадварын мэдүүлгээ ирүүлсэн хуулийн этгээдүүдийн материалыг хянан үзэхэд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 36.7-д заасны дагуу дэлгэрэнгүй жагсаалтад хамрагдсан зөвлөхүүдээс энэ хуулийн 14-16 дугаар зүйлийн шаардлага болон захиалагчийн тогтоосон чадавхийн үзүүлэлтийг хангасан 3 ба түүнээс дээш зөвлөхийг сонгож, хураангуй жагсаалт гаргах боломжгүй болсон тул дахин зарлах болсныг үүгээр мэдэгдэж байна. 

Зөвлөх үйлчилгээ үзүүлэх хүсэлтэй хуулийн этгээдийн анхааралд тодруулгыг хавсралтаар хүргүүлж байна.

2019.02.26-ны өдөр эрдэм шинжилгээ, судалгааны ажлын 8 багц тендерийн "Газрын тосны бүтээгдэхүүний зах зээлийн цахим сан байгуулах" болон "Шатахууны эрсдлийн сан байгуулах, дервативийн зах зээлийн судалгаа" гэсэн багцуудтай холбоотойгоор сонгон шалгаруулалтад оролцох хүсэлтэй хуулийн этгээдээс ирүүлсэн хүсэлтэд дараах тодруулгыг хүргэж байна.  Үүнд: 1. Судалгааны ажлын гүйцэтгэх хугацаа, ажлын төлөвлөгөө, график нь сонгон шалгаруулалтын шалгуур үзүүлэлтийн нэг хэсэг болно. Тухайн ажлыг гүйцэтгэх хугацааг багц тус бүрийн ажлын даалгавраас харна уу. 2. Дервативийн судалгаа нь шатахууны үнийг тогтвортой байлгахад чиглэсэн бөгөөд Засгийн газар, УУХҮЯ, АМГТГ, газрын тосны бүтээгдэхүүн импортлогч, бөөний болон жижиглэнгийн худалдаа эрхлэгч ААН-үүд хамтран хэрэгжүүлж болох зохицуулалтыг судлах шаардлагатай. 3. Газрын тосны бүтээгдэхүүний зах зээлийн цахим сан байгуулах судалгаа нь хууль эрхзүй, техник технологийн өнөөгийн нөхцөл байдал, шаардлагатай мэдээ мэдээллийн нэгдсэн сүлжээг бий болгоход шаардагдах эрхзүйн зохицуулалт, санг бий болгох техник технологийн оновчтой шийдэл, компаниудын бүтээгдэхүүний үнэ, импортын тоо хэмжээ, чанарын шинжилгээний мэдээлэл, орлого, зарлага, шилжилтийн мэдээ зэрэг өргөн цар хүрээтэй мэдээллүүдийг багтаасан техник эдийн засгийн үндэслэл, төсвийн тооцоо бүхий байна. 

Уул уурхай, хүнд үйлдвэрийн яамнаас 2019 онд шинээр зарлаж буй "Эрдэм шинжилгээ, судалгааны ажлын зөвлөх үйлчилгээ"-ний тендерийн баримт бичгийн 85-86 дугаар хуудсанд хавсралтаар оруулсан "Саналын урилга" нь зөвхөн урилгын төсөл хэлбэрээр хавсаргасан загвар бөгөөд зөвлөхийн үйлчилгээ үзүүлэх хүсэлтэй хуулийн этгээд Тендерийн зарлалд дурдсаны дагуу "Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай" хуулийн 14, 15, 16 дугаар зүйлийн шаардлагыг хангаж, зөвлөхийн жагсаалтад орох саналаа www.tender.gov.mn цахим хаягаар 2019 оны 3 дугаар сарын 04-ний өдрийн 10:00 цагийн дотор ирүүлэхийг үүгээр дахин тодотгож байна.