ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
1. Засгийн газрын хэрэгжүүлэгч агентлаг Биеийн тамир, спортын газар нь Биеиийн тамир, спортын салбарын цахим мэдээллийн нэгдсэн санг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.
Энэхүү зөвлөх үйлчилгээ нь: Монгол Улсын бүх аймаг, сум, нийслэл, дүүрэгт Биеийн тамир, спортын байгууллага, ажилтан, төрийн бус байгууллага, идэвхтэй хөдөлгөөн, спортын чиглэлээр үйл ажиллагаа эрхэлдэг байгууллага, биеийн тамир, спортын арга хэмжээнд хамрагддаг иргэдтэй холбоотой бүх талын мэдээллийг нэгтгэх, Засгийн газар, салбарын асуудал эрхэлсэн төрийн захиргааны төв байгууллагын бодлого, үйл ажиллагааны мэдээллийг олон нийтэд нээлттэй, ил тод, нэгдсэн байдлаар шуурхай хүргэх, салбарын статистик мэдээ, мэдээллийг үнэн зөв байдлаар гаргах, түүнчлэн хөгжлийн бодлого, төлөвлөлтийг боловсруулахад шаардлагатай бодит мэдээлэл, судалгааг гаргахад ашиглах бөгөөд Үндэсний Дата Төвөөс хийж буй төрийн мэдээлэл солилцооны “ХУР” системтэй холбогдон ажиллах юм.
Мөн иргэдийн бие бялдрын түвшин тогтоох сорил болон тамирчидын сэтгэл зүй, биеийн ерөнхий хөгжлийн сорилууд, дасгалжуулалтын төлөвлөлт, Биеийн тамир, спортын салбарын эрдэмтэн, судлаачдын мэдээллийг агуулна.
2. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг ирүүлнэ:
 Байгууллагын улсын бүртгэлийн гэрчилгээний хуулбар
 Байгууллагын дэлгэрэнгүй танилцуулга
 Татварын цахим тодорхойлолт
 ШШГЕГ-ын тодорхойлолт
 Цахим мэдээллийн сангийн ТЭЗҮ боловсруулж байсан туршлагын мэдээлэл
 Зөвлөх үйлчилгээ үзүүлэх 3 доошгүй зөвлөхтэй байна.