Эрүүл мэндийн даатгалын сангийн хөрөнгөөс бүх шатны эмнэлгийн тусламж, үйлчилгээний чадавхыг нэмэгдүүлэхэд шаардлагатай “Сумын эрүүл мэндийн төвүүдэд лабораторийн тоног төхөөрөмж”-ийн нийлүүлэгчийг сонгон шалгаруулах ЭМДЕГ/202110015 дугаартай тендерт оролцогчоос ирүүлсэн 597/21 дугаартай тодруулгийн хариуг хавсралтаар хүргүүлж байна.

Хариу хүргүүлэх тухай

Танай ирүүлсэн 2021 оны 11 дүгээр сарын 12-ны өдрийн А/21-363 дугаар “Тодруулга авах нь”, 2021 оны 11 дүгээр сарын 15-ны өдрийн “БНХАУ-ын Майндрэй компанийн албан мэдэгдлийг орчуулан, хүргүүлэх тухай”  А/21-401 дугаар албан бичгүүдтэй танилцлаа.

 “Сумын эрүүл мэндийн төвүүдэд лабораторийн тоног төхөөрөмж”  худалдан авах ЭМДЕГ/202110015 дугаартай ажлыг 2021 оны 10 дугаар сарын 20-ны өдөр олон нийтэд нээлттэй цахим системээр болон өдөр тутмын хэвлэл мэдээллийн хэрэгслээр зарласан.

Танай хүсэлтийг ТБОНӨХБАҮХАТ хуулийн 22.3-т “Тендерт оролцогч тендерийн баримт бичигтэй холбоотой тодруулга, нэмэлт мэдээллийг тендер хүлээн авах эцсийн хугацаанаас ажлын таваас доошгүй хоногийн өмнө захиалагчаас авах хүсэлтийг бичгээр гаргаж болно” гэсэн заалтад дурьдсан “тендерийн баримт бичигтэй холбоотой тодруулга” гэж үзэх боломжгүй байна.

 Иймд тендер шалгарлуулалтыг ТБОНӨХБАҮХАТ хуулийн 27.1-д заасан шаардлагын дагуу хянан үзэх бөгөөд танай газарт давуу эрх олгох, тендерийн баримт бичигт заагдаагүй урьдчилсан уулзалт хийхгүйг мэдэгдье.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 22 дугаар зүйлийн 22.4 дэх заалтын дагуу энэхүү тодруулгыг төрийн худалдан авах ажиллагааны www.tender.gov.mn дээр байршуулж байна.

Тендерийн оролцогч нарт мэдээлэл хүргүүлэх нь:

ШӨХТ газраас тендерийг түр түдгэлзүүлсэнтэй холбогдуулан, тендерийн нээлтийн хугацааг тодорхой хугацаагаар хойшлууллаа.

Тендерийг 2021.11.19-ны өдрийн 12:00 минутад материал авах хугацааг хааж, 12.30 минутанд нээлт хийх гэснийг 2021.11.25-ны 12:00 минутад материал авах хугацааг хааж, 12.30 минутанд нээлт хийх гэж өөрчилсөн тул оролцогч та бүхэн тодруулагатай танилцана уу. 

ШӨХТ газраас 2021.11.09-ны 01/2090 тоот албан бичгээр ТБОНӨХБАҮХА тухай хуулийн 8.6 заалт "Захиалагч өрсөлдөөнийг дэмжих зорилгоор бараа, ажил, үйлчилгээг зориулалт, нэр төрөл, газар зүйн байрлалыг харгалзан, нэг төрлийн ижил төстэй байдлаарнь хэд хэдэн багцад хувааж тендер шалгаруулалт явуулж болно" гэж заасныг зөрчсөн гэж үзэх үндэслэлгүй байна. гэсэн тул тус тендерийг үргэлжлүүлэн явуулахыг зөвшөөрлөө.