“Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хуулийн 24.5. дахь заалт “Тендер нээснээс хойш тухайн тендер шалгаруулалтыг 30 хоногт багтаан зохион байгуулж дуусгах бөгөөд уг хугацаанд тендер хүчинтэй байна” мөн Тендер шалгаруулалтын зааварчилгаа (ТШЗ)-ны 22.6-д “Тендерийн баталгаа нь ТШЗ-ны 21 дүгээр зүйлд зааснаар тендерт оролцогчийн тогтоосон тендерийн хүчинтэй байх хугацаанаас хойш 28 хоногийн хугацаанд хүчинтэй байна” гэж заасныг үндэслэн “Хөдөө орон нутгийн алслагдсан сумын багт хөдөлгөөнт холбооны үйлчилгээ хүргэх” төслийн ТШЗ 22.1-т заасан Тендерийн баталгааны хүчинтэй байх хугацаа 2022 оны 05 дугаар сарын 03-ны өдрийг дуустал гэдгийг 2022 оны 06 дугаар сарын 15-ны өдөр болгон өөрчилж байна.

Тендерийн баталгааг материалд хавсарган ирүүлэх шаардлагагүй бөгөөд тендерийн баталгаа гаргагч арилжааны банкнаас цахим системээр тендер хүлээн авах эцсийн хугацаанаас өмнө ирүүлсэн байна.

Бүх нийтийн үйлчилгээний үүргийн сангийн хөрөнгөөр 2022 онд хэрэгжүүлэх “Хөдөө орон нутгийн алслагдсан сумын багт хөдөлгөөнт холбооны үйлчилгээ хүргэх” төсөл, арга хэмжээний тендер шалгаруулалтад сонирхогч этгээдээс ирүүлсэн тодруулгын дагуу төсөл хэрэгжих байршлын цэгүүдийн мэдээллийг шинэчлэн хүргүүлж байна.

Жич: Тендерийн баримт бичгийн 3-р бүлэг: “Үйлчилгээний тодорхойлолт, тавигдах шаардлага”-д заасны дагуу “Сүлжээний хамрах хүрээний симуляц хийж хамгийн оновчтой цэгийг тодорхойлсон байх” шаардлагатай.