Тендерт оролцогчдод

Тодруулгын хариуг хүргүүлэх тухай.

 1. "Сүлжээний дэд бүтцийн ашиглалт, гэмтэл засварлах үйлчилгээний ажлын даалгавар"-н жагсаалт дунд Сүлжээний холболтын технологи хэсэгт байгаа Шийдэл санал болгох гэсэн байгаад гүйцэтгэгч тал холболтын шийдэл санал болгон, холболтын ажлыг гүйцэтгэж ашиглалт гэмтэл, саатлыг засварлах уу?

Тийм.
Тухайн цэгт ямар технологи ашиглан боловсролын нэгдсэн сүлжээнд холбох шийдэл танилцуулах. Тухайн шийдлийг хэрэгжүүлэх, холбох, ашиглалт, гэмтэл саатлыг засварлах асуудлыг хариуцна.

2. "Тоон сувгийн үйлчилгээний ажлын даалгавар"-н сүлжээний холболтын технологи хэсэгт Шилэн кабель гэсэн цэгүүдийг өөрсдийн шилэн кабельтай гэж ойлгож болох уу?

Үгүй.

Улсын дэд бүтэц хүрсэн цэг хүртэл тоон сувгийн үйлчилгээг авч, төгсгөлийн цэгээс ерөнхий боловсролын сургууль хүртэлх шилэн кабел нь БМТТ УТҮГ-ын өмч.

Радио релей/4G/VSAT гэсэн цэгүүд дээр мөн өөрсдийн төхөөрөмж холболттой гэж ойлгож болох уу? Эсвэл гүйцэтгэгч тус холболтын төрлүүдээс шинээр холболтын шийдэл санал болгох уу?

Үгүй.

Ерөнхий боловсролын сургуулиудад радио релэй болон 4G модем байхгүй. VSAT-аар холбогдсон цэгийн хувьд VSAT-ийн таваг, модем нь Исатком ХХК-ийн өмч. Гүйцэтгэгч илүү чанартай, хямд шийдэл санал болгоно.

3. Тоон сувгийн үйлчилгээний ажлын даалгаварын 537 ЕБС-д тоон сувгийн үйлчилгээ олгох үндсэн хурд ямар байх вэ? Тоон сувгийн үйлчилгээний ажлын даалгаварын дэлгэрэнгүй хүснэгтийн Bandwidth /Mbps/ нэртэй багнанд заагдсан байгаа 10, 100, 1000 гэсэн хурдууд нь холболтын интерфэйс ийн хурд мөн эсэх?

Үгүй.

Тоон сувгийн үйлчилгээг жагсаалтаар хүргүүлсэн 403 цэгт авна. 10, 100, 1000 гэдэг нь интерфейсийн хурд биш бөгөөд тоон сувгийн үйлчилгээний эхлэлийн цэгээс төгсгөлийн цэг хүртэлх нийт дэд бүтэц дээгүүр хуваалцахгүйгээр /dedicated/, багасахгүйгээр дамжуулах зурвасын өргөн /Bandwidth Mbps/ нь.

4. Интернет үйлчилгээний ажлын даалгаварын №3-т заагдсан шаардлагын дагуу гүйцэтгэгч интернет үйлчилгээ үзүүлэгч ISP компани нь ялгаатай А ангиллын бөөний урсгал нийлүүлэгчтэй гэрээтэй байх шаардлагатай юу? (Жишээ нь: Жэмнет ХХК, Мобиком нетворкс ХХК-с тус тус бөөний урсгал авдаг байх ёстой юу?)

Үгүй.

БМТТ УТҮГ нь хоёр Б ангиллын интернет үйлчилгээ үзүүлэгчтэй eBGP multihoming холболт хийнэ. Тухайн хоёр Б ангилал нь хоорондоо ялгаатай А ангиллын бөөний урсгалын нийлүүлэгчээс үйлчилгээ авдаг байна. Сүлжээний тогтвортой ажиллагаа нэг цэг, нэг байгууллагаас шалтгаалахгүй байна. Жишээлбэл дараах Б зөвшөөрөлтэй 2 интернетийн үйлчилгээ үзүүлэгчтэй холбогдож болно.

1. Б зөвшөөрөлтэй Юнивешн ХХК нь А зөвшөөрөлтэй Жэмнет ХХК-тай гэрээтэй;

2. Б зөвшөөрөлтэй Цахилгаан холбоо ХХК нь А зөвшөөрөлтэй Мэдээлэл холбооны сүлжээ Төрийн Өмчит ХХК-тай гэрээтэй.

5. Интернет үйлчилгээний ажлын даалгаварын №8-д заагдсан "Сүлжээний DDoS төрлийн халдлагаас урьдчилан сэргийлэх, хор хохирлыг нь бууруулах төрлийн хамгаалалтыг сүлжээний хэрэглэгч болон үндсэн гарцын түвшинд хэрэгжүүлсэн байх бөгөөд захиалагчийг уг хамгаалалтын шүхэртээ оруулах /Бодит кэйс демо эрх ирүүлэх/" гэсэн шаардлагын дагуу тус бодит кэйс демо эрх ирүүлэх гэсэн шаардлага нь тендер шалгаруулалтын явцад демо эрхийг шалгах уу эсхүл тендер шалгаруулалт дууссаны дараа шалгаран гүйцэтгэгчийн хувьд демо кэйс ийг шалгах уу?

Үгүй.

Сүлжээний DDoS төрлийн халдлагаас урьдчилан сэргийлэх, хор хохирлыг нь бууруулах төрлийн хамгаалалтыг сүлжээний хэрэглэгч болон үндсэн гарцын төвшинд хэрэгжүүлсэн байх бөгөөд захиалагчийг уг хамгаалалтын шүхэртээ оруулах боломжтойг нотолсон зураг, хамгаалах тоног төхөөрөмж шийдлийн техникийн танилцуулга, нотлох бичиг баримтыг ирүүлнэ. Ирүүлсэн бичиг баримт тендерийн үнэлгээнд нөлөөлнө.

6. ТӨХ-ТШЗ 17.6.1 -д заагдсан шаардлагын дагуу 3 төрлийн тусгай зөвшөөрлийг үндсэн гүйцэтгэгч байгууллага нэгэн зэрэг эзэмшдэг байх шаардлагатай юу?

Үгүй.

Тендерт оролцогч нь тусгай зөвшөөрөлтэй байгууллагуудтай түншлэл, туслан гүйцэтгэгчийн гэрээтэй орж болно.