ТЕНДЕРТ ОРОЛЦОХЫГ

СОНИРХОГЧ ЭТГЭЭДЭД

Тодруулгын хариу хүргүүлэх тухай

            Тус газраас 2022 оны 12 дугаар сарын 22-ны өдөр зарласан ПНШНУГТЭ/202312001/01/01 урилгын дугаартай “П.Н Шастины нэрэмжит Улсын гуравдугаар эмнэлэгт эм, эмнэлгийн хэрэгсэл, урвалж, оношлуур худалдан авах” төсөл, арга хэмжээний нийлүүлэгчийг сонгон шалгаруулах тендерт оролцохыг сонирхогч этгээдээс Багц 81: “Мэс заслын багц”-ын техникийн тодорхойлолтод тодруулга  авах хүсэлт ирүүлсэнтэй холбогдуулан дараах хариуг хүргүүлж байна. Үүнд: 

Сонирхогч этгээдээс ирүүлсэн тодруулга

      Тус тендер шалгаруулалтын Багц №81-ийн техникийн дэлгэрэнгүй тодорхойлолт гаргаж өгнө үү.

       Жич: Мэс заслын багц №81-ийн хэрэгслийн нэр, тоо хэмжээ тусгагдаагүй байна.

Тодруулгын хариу

     Тус төсөл, арга хэмжээний Багц 81: “Мэс заслын багц”-ын техникийн тодорхойлолтод мэс заслын ариун халад, малгай, маск, гарын алчуур бүхий нэг удаагийн иж бүрдэл байна гэж заасан бөгөөд 1 иж бүрдэлд тусгасан нэр төрлийн бараа тус бүр 1 ширхэг байна.

ТЕНДЕРТ ОРОЛЦОХЫГ

СОНИРХОГЧ ЭТГЭЭДЭД

Тодруулгын хариу хүргүүлэх тухай

           Тус газраас 2022 оны 12 дугаар сарын 22-ны өдөр зарласан ПНШНУГТЭ/202312001/01/01 урилгын дугаартай “П.Н. Шастины нэрэмжит Улсын гуравдугаар төв эмнэлэгт эм, эмнэлгийн хэрэгсэл, урвалж, оношлуур худалдан авах” төсөл, арга хэмжээний нийлүүлэгчийг сонгон шалгаруулах тендерт оролцохыг сонирхогч этгээдээс тодруулга  авах хүсэлт ирүүлсэнтэй холбогдуулан дараах хариуг хүргүүлж байна. Үүнд: 

Сонирхогч этгээдээс ирүүлсэн тодруулга

       Тендерийн баримт бичгийн ТШЗ 6.2 дахь хэсэг “тендерт оролцогч нь эцсийн өмчлөгчийн дэлгэрэнгүй лавлагаа ирүүлнэ. Ирүүлээгүй тохиолдолд ТШЗ 6.2-д заасан нөхцөл байдлыг тодорхойлох боломжгүй тул ирүүлсэн тендерээс татгалзана” гэж заасан байна.

       Эцсийн өмчлөгчийн дэлгэрэнгүй лавлагаа нь ямар агуулгатай болох, хаанаас авах талаар тодруулж өгнө үү.

       Тодруулгын хариу

       Уг төсөл арга хэмжээний нийлүүлэгчийг сонгон шалгаруулах тендерийн баримт бичгийн тендерийн өгөгдлийн хүснэгтийн ТШЗ.17.1 дэх хэсэгт “Хуулийн этгээдийн улсын бүртгэлийн тухай хуулийн 10 дугаар зүйлийн 10.1.14 дэх заалтад “Хуулийн этгээдийн эцсийн өмчлөгч болон түүний хувьцаа, хувь оролцоо, саналын эрхийн талаарх мэдээлэл” гэж заасан мэдээллийг тендерт оролцогч, түүний түншлэлийн гишүүн нь ирүүлнэ. Хэрэв дээрх мэдээллийг ирүүлээгүй тохиолдолд ТШЗ-ны 6.2-т заасныг тодорхойлох боломжгүй гэж үзэж ирүүлсэн тендерээс татгалзана.” гэж тодорхой заасан бөгөөд дээрх агуулга бүхий лавлагааг Улсын бүртгэлийн ерөнхий газраас лавлагаа ирүүлнэ.

ТЕНДЕРТ ОРОЛЦОХЫГ

СОНИРХОГЧ ЭТГЭЭДЭД

    Тендерийн баримт бичигт

   өөрчлөлт оруулах тухай

Тус газраас 2022 оны 12 дугаар сарын 22-ны өдөр зарласан ПНШНУГТЭ/202312002/01/01 “П.Н. ШАСТИНЫ нэрэмжит улсын гуравдугаар төв эмнэлэгт мэс засал ба судсан дотуурх оношилгоо эмчилгээнд хэрэглэгдэх эмнэлгийн хэрэгсэл, протез худалдан авах” төсөл, арга хэмжээний тендерт оролцохыг сонирхогч этгээдээс гаргасан гомдлыг Шударга өрсөлдөөн хэрэглэгчийн төлөө газар хүлээн авч манай газарт мэдэгдэхдээ ПНШНУГТЭ/202312001/01/01 урилгын дугаартай “П.Н. Шастины нэрэмжит Улсын гуравдугаар төв эмнэлэгт эм, эмнэлгийн хэрэгсэл, урвалж, оношлуур худалдан авах” төсөл, арга хэмжээний тендер шалгаруулалтыг андуурч түдгэлзүүлсэн тухайгаа мэдэгдсэн тул дээрх төсөл, арга хэмжээний тендер шалгаруулалтыг цааш үргэлжлүүлж байна.

Мөн тус тендер шалгаруулалтад оролцохыг сонирхогч этгээдээс Багц-54: “Зүү, тариур” багцад “Мэс заслын багц” иж бүрдлийг дотоодод үйлдвэрлэдэг бөгөөд захиалагч Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 8 дугаар зүйлийн 8.7.5 дахь хэсэгт нийцэхгүй байх тул  “Мэс заслын багц” иж бүрдлийг тусад нь багцалж өгөх хүсэлт ирүүлсний дагуу тус багцад өөрчлөлт оруулж тендерийн баримт бичгийн ТШЗ-ны 11.1 “Захиалагч ТШЗ-ны 25.1-д заасан хугацаанаас ажлын 10 хоногийн дотор тендерт оролцогчид тавигдах шаардлага, шалгуур үзүүлэлтийг нэмэгдүүлэх өөрчлөлтийг тендерийн баримт бичигт оруулсан бол сонирхогч этгээд хуулийн 55.1-д зааснаар Шударга өрсөлдөөн, хэрэглэгчийн төлөө газарт гомдол гаргах боломжит хугацаагаар тендер хүлээн авах эцсийн хугацааг сунгана.” заалтыг баримтлан тендерийн баримт бичигт дараах өөрчлөлтүүдийг оруулж, тендер шалгаруулалтыг цааш үргэлжлүүлж байна. Үүнд:

1. ТШЗ 1.1.-д Тендер шалгаруулалт нь дараах нэр дугаар бүхий багцаас бүрдэнэ: Үүнд:

...Багц 81: “Мэс заслын багц”, ПНШНУГТЭ/202312001-81 гэж нэмэх;

1. ТШЗ 1.3.-д Дотоод үйлдвэрээс худалдан авах бараа байгаа бол тодорхой бич:

... “Мэс заслын багц”, ПНШНУГТЭ/202312001-81 гэж нэмэх;

1. ТШЗ 2.1.-д Нийт батлагдсан төсөвт өртөг:

...Багц 54: 27,772,500.00 (хорин долоон сая долоон зуун далан хоёр мянга таван зуу) төгрөг болгож өөрчлөх;

...Багц 81: 34,800,000.00 (гучин дөрвөн сая найман зуун мянга) төгрөг болгож нэмэх;

1. ТШЗ 19.3.-д 81-р багцын нийлүүлэх бүтээгдэхүүний загвар, дээж ирүүлэх гэж нэмэх;
2. ТШЗ 23.1.-д Тендерийн баталгаа: Шаардана

...Багц-54: 139,000.00 (нэг зуун гучин есөн мянга) төгрөг болгож бууруулах;

...Багц-81: 174,000.00 (нэг зуун далан дөрвөн мянга) төгрөг гэж нэмэх;

1. ТШЗ 25.1.-д Тендер хүлээн авах эцсийн хугацаа: 2023 оны 01 дүгээр  сарын 27-ны өдрийн 10 цаг 30 минут;
2. ТШЗ 26.1.-д Тендерийн нээлт хийх огноо цаг нь: 2023 оны 01 дүгээр сарын 27-ны өдрийн 11 цаг 00 минут;

Өөрчлөлт орсон техникийн тодорхойлолтыг Төрийн худалдан авах ажиллагааны цахим систем www.tender.gov.mn сайтын тухайн төсөл, арга хэмжээний  тодруулга хэсэгт шинэчлэн байршуулсан тул холбогдох өөрчлөлтүүдийг өөрийн тендерт тусган ирүүлнэ үү.

Албан бичиг

ТЕНДЕРТ ОРОЛЦОХЫГ

СОНИРХОГЧ ЭТГЭЭДЭД

             Тендер шалгаруулалтын тухай

        Тус газраас 2022 оны 12 дугаар сарын 22-ны өдөр зарласан ПНШНУГТЭ/202312001/01/01 урилгын дугаартай “П.Н Шастины нэрэмжит Улсын гуравдугаар эмнэлэгт эм, эмнэлгийн хэрэгсэл, урвалж, оношлуур худалдан авах” төсөл, арга хэмжээний тендер шалгаруулалтад оролцохыг сонирхогч этгээдээс “Шударга өрсөлдөөн хэрэглэгчийн төлөө газар”-т гомдол гаргасан тул гомдлын хариу ирэх хүртэл тендер шалгаруулалтыг тодорхойгүй хугацаагаар түдгэлзүүлж байна.

        Тодруулгын хариу ирүүлсэн даруйд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 24 дүгээр зүйлийн 24.1 дэх хэсэгт заасны дагуу тендерт оролцогчдод тендер бэлтгэж ирүүлэх хангалттай ижил хугацаа олгож тендер хүлээн авах эцсийн хугацааг тодорхой мэдэгдэх болно.

ТЕНДЕРТ ОРОЛЦОХЫГ

СОНИРХОГЧ ЭТГЭЭДЭД

Тодруулгын хариу хүргүүлэх тухай

      Тус газраас 2022 оны 12 дугаар сарын 22-ны өдөр зарласан “П.Н Шастины нэрэмжит Улсын гуравдугаар эмнэлэгт эм, эмнэлгийн хэрэгсэл, урвалж, оношлуур худалдан авах” төсөл, арга хэмжээний тендерт шалгаруулалтад оролцохыг сонирхогч этгээдээс Багц 57: “Дүрс оношилгооны хэрэгсэл”-ийн техникийн тодорхойлолтод тодруулга авах хүсэлт ирүүлсний дагуу захиалагчаас 2023 оны 01 дүгээр сарын 04-ний өдрийн 01/13 дугаартай албан бичгээр техникийн тодорхойлолтод өөрчлөлт оруулж ирүүлсэн тул Төрийн худалдан авах ажиллагааны цахим систем www.tender.gov.mn сайтын тухайн төсөл, арга хэмжээний  ТЭЗҮ болон тодруулга хэсэгт шинэчлэн байршуулсныг өөрийн тендерт тусган ирүүлнэ үү.