Монгол улсын засгийн газар, Европын сэргээн босголт, хөгжлийн банк хооронд 2019 онд байгуулсан Санхүүжилтийн ерөнхий хэлэлцээрийн хүрээнд хэрэгжиж байгаа “Улаанбаатар хотын дулаан хангамжийн төсөл”-ийн 2021 оны худалдан авах ажиллагааны төлөвлөгөөний дагуу дулааны сүлжээний төв шугамын өргөтгөл, шинэчлэлийн ажлын 2 багц ажлын гүйцэтгэгчийг сонгон шалгаруулах тендер тус банкны худалдан авах ажиллагааны ECEPP системд зарлагдлаа.
Тендер шалгаруулалт нь Европын сэргээн босголт, хөгжлийн банкны худалдан авах ажиллагааны бодлого журмын дагуу 1 үе шаттай, олон улсад нээлттэй явагдах бөгөөд дулааны сүлжээний 8-р магистралийн одоо байгаа 2х500 мм-ийн голчтой 682 хос.метр дулааны шугамыг 2х600 мм-ийн голчтой болгож өргөтгөх /Багц-4/, Улаанбаатар дулааны сүлжээ ХК-ийн даралт өргөх насос станц №2-ын хүчин чадлыг өргөтгөх /Багц-6/ ажлуудын гүйцэтгэгчийг сонгон шалгаруулна.
Сонирхсон эрх бүхий хуулийн этгээд Европын сэргээн босголт, хөгжлийн банкны худалдан авах ажиллагааны системд https:/ecepp.ebrd.com/ хаягаар бүртгүүлж, тендерийн баримт бичгийг үнэ төлбөргүй авч болно