СҮҮЛИЙН МЭДЭЭЛЭЛ
Санал авах тухай
Одоо хүчин төгөлдөр үйлчилж буй Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийг 2005 онд шинэчлэн найруулсан.
Хууль батлагдсанаас хойш эдийн засгийн өсөлтийг дагаж төрийн худалдан авах ажиллагааны цар хүрээ ихээр нэмэгдэхийн хэрээр төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааг боловсронгуй болгох, худалдан авах ажиллагаанд оролцогчдын хоорондын харилцааг зохицуулах, бусад салбар хуулиудын шинэчлэлтэй холбогдуулан цаг үеийн шинжтэй зохицуулалтыг тусгах зэрэг шалтгаанаар хуульд нийт 28 удаа их, бага хэмжээний нэмэлт, өөрчлөлтүүд орсон нь хуулийн зохицуулалтын нэгдмэл цогц байдлыг алдагдуулахад хүргэсэн байна.
Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн шинэчилсэн найруулгын төслийг боловсруулж, санал авахаар хүргүүлж байна.
Хуулийн төсөлтэй танилцаж холбогдох саналаа 2021 оны 10 дугаар сарын 10-ны өдрийн дотор legal@tender.gov.mn хаягт ирүүлэхийг хүсье.
Сангийн яам, Хууль, эрх зүйн газар
2021 оны 9 дүгээр сарын 24-ний өдөр