Үндэсний тоон гарын үсгийн гэрчилгээжүүлэгч байгууллага болох "МонПасс CA" ХХК-ийн SSL гэрчилгээний хугацаа дууссантай холбогдуулан тус байгууллагаас олгосон тоон гарын үсэг хэрэглэгчид тендерийн материал илгээх боломжгүй байгаа тул тендерт оролцогчдыг ижил тэгш боломжоор хангах үүднээс Сангийн сайдын 2019 оны 255 дугаар тушаалаар батлагдсан "Худалдан авах ажиллагааны цахим системээр тендер шалгаруулалт зохион байгуулах, холбогдох мэдээллийг зарлан мэдээлэх журам"-ын 10.2-т "10.2. Журмын 10.1-д зааснаар цахим систем ажиллах боломжгүй болсон тохиолдолд мэргэжлийн байгууллага энэ тухай захиалагчид нэн даруй мэдэгдэж, захиалагч тендерийн нээлтийг тодорхой хугацаагаар хойшлуулж, нийтэд энэ тухай цахим системээр дамжуулан, боломжгүй бол харилцаа холбооны бусад хэрэгслээр нэгэн зэрэг мэдэгдэнэ." гэж заасны дагуу 2022.02.08-ны өдрийн 09:40 минутын байдлаар нээлт хийгээгүй байсан 09:00 цагаас 12:00 цагийн хооронд тендер хүлээн авах эцсийн хугацаа дуусч байсан тендер шалгаруулалтуудын тендер хүлээн авах эцсийн огноог 13:00 цаг, нээх огноог 13:30 болгон хойшлуулсан болохыг мэдэгдэж байна.
Жич: "Худалдан авах ажиллагаа цахим систем" /www.tender.gov.mn/ хэвийн ажиллаж байгаа болно.
ТӨРИЙН ХУДАЛДАН АВАХ АЖИЛЛАГААНЫ ГАЗАР